தென் மண்டல அளவிலான கராத்தே போட்டிகளில் நாசரேத் மர்காஷிஸ் மேல்நிலைப்பள்ளி மாணவர்கள் சாதனை!

 தென் மண்டல அளவிலான கராத்தே போட்டிகள் தூத்துக்குடி முத்தையாபுரத்தில் அமைந்துள்ள சாண்டி மெட்ரிகுலேஷன் பள்ளியில் நடைபெற்றது.

போட்டிகளை, தென் மண்டல விளையாட்டு மற்றும் பண்பாட்டு கழகத்தினரும் இணைந்து நடத்தினர்.  "கடா" கராத்தே போட்டிகளில் 9ம் வகுப்பு பிரிவில் ரோஹித் முதலிடமும், ஸ்வீட்டன் இரண்டாம் இடமும் பெற்றனர். 8ம் வகுப்பு பிரிவில் ஜெர்வின் இரண்டாம் இடம் பெற்றார். "குமிட்டே" (சண்டை பிரிவு) கராத்தே போட்டிகளில் 9ம் வகுப்பு பிரிவில் பாலச்சந்திரன் முதலிடம் பெற்றார். 7ம் வகுப்பு பிரிவில் சுதன் கார்த்திக்  மற்றும் சித்தார்த் ஆகியோர் முதலிடம் பெற்றனர். 6ம் வகுப்பு பிரிவில் சேர்மகௌதம், மதன் மற்றும் சேர்மன் ஆகியோர் சிறப்பிடம் பெற்றனர். பரிசுகளைப் பெற்ற மாணவர்களுக்கு பதக்கங்களும் சான்றிதழ்களும் கோப்பைகளும் வழங்கப்பட்டன. வெற்றி பெற்ற மாணவர்களுக்கு நாசரேத் மர்காஷிஸ் மேல்நிலைப்பள்ளியில் பாராட்டு விழா நடைபெற்றது. தலைமையாசிரியர் கென்னடி வேதராஜ்  தலைமை தாங்கினார்.

அகில இந்திய கபடி வீரர் அர்ஜுனா விருது பெற்ற  மணத்தி கணேசன் கலந்துகொண்டு பதக்கங்கள், சான்றிதழ்கள் மற்றும் கோப்பைகளை மாணவர்களுக்கு வழங்கி பாராட்டினார். நிகழ்ச்சியில் இயற்பியல் ஆசிரியர் ஜெர்சோம் ஜெபராஜ்,  உடற்கல்வி ஆசிரியர் தனபால் ஆகியோர் கலந்து கொண்டனர்.கராத்தே மாஸ்டர்கள் டென்னிசன் மற்றும் அருண் ஆகியோர் மாணவர்களுக்கு பயிற்சி வழங்கியது குறிப்பிடத்தக்கது.